Category: Albisteak

Basauriarrok Garaile!

Mai 08 2015

Kandidatura

EH BILDUK SUSTRAIAK FUNDAZIOAREN DIETAK IKERTZEKO ESKATU DIO BIZKAIKO FORU OGASUNARI

Mai 07 2015

Basauriko EH Bilduk, Bizkaiko Foru Aldundiko Ogasun eta Finantza Sailari eskatu dio gaur, Sustraiak Fundazioak antolatutako ekimen kulturaletan kobratutako dieten gaineko irregulartasunak ikertzeko. Fundazio horrek, 2009. urtetik aurrera 1,2 milioi euro jaso zituen Basauriko Udaletik.

IMG-20150507

Eskari hori, batez ere, dieten ordainketari eta horien tratamendu fiskalaren ingurukoa da. Fundazioaren eta Udalaren arteko hitzarmena indarrean egon den (2009-2013) urteetan hain zuzen ere. Epe horretan, 130.000 euro ordaindu ziren dietetan hainbat ekimen  burutzeko, patronatoko kideenak barne.

Foru Ogasunean aurkeztutako dokumentazioan, EH Bilduk agerian uzten du aipatutako dieten opakutasuna. “Nola zehazten zen dieten zenbatekoa, horien kontzeptuak, justifikazioak (gastuen tiketak: garraioa eta bazkaria) eta legaltasun fiskala ez ditugu ezagutzen”. Adibide gisa, aurkeztutako 2013. urteko memorian azaltzen zen, bi patrono kidek eta hirugarren batek 6.000, 8.800 eta 14.000 euro kobratu zituztela, hurrenez hurren. Bestalde, beste urteetako memorietan, “dieta” kontzeptupean, diru kopuru handiak agertzen dira, hitzartutako ekimenak burutzeko. Gure ustetan, horien legaltasuna zalantzagarria da.

EH Bilduk urrats hau ematea erabaki du, Udaleko Gobernu Organoen Kontrol Batzordean irregulartasunak hutsean itxi zirelako. Batzorde horren lana urtarrilean bukatu zen Ondorioen txosten batekin. Txosten horrekin, EAJk, PPk eta PSOEk gai ilun hau estali nahi izan dute.

EH Bildurentzat, ordea, kudeaketa eskasaren eta diru publikoaren ustezko erabilera eta kontrol desegokiaren susmoak ez dira argitu. Batzorde horretan jorratutakoaz gure ondoriak  web orri honetan daude eskuragarri: http://basauri.ehbildu.eus

Salaketa hau gainera, beste kontu ilun baten ondoren etorri da. Orain dela gutxi, ezagutu dugu, 2009an Sustraiak  Fundazioa sortzeak ez zuela jaso Basauriko Udalaren Kontu-hartzaile zerbitzu teknikoaren babesa. Eginiko txostenak adierazten zuenez “ez zegoen informaziorik ezta datu objetiborik ere, aipatutako fundazioa sortzeko orduan, eraginkortasun ekonomikoa bermatzen zuenik”.

Txosten horrek, 2009ko apirilean egina, pikutara bidaltzen ditu, garai hartako Basauriko udaleko Hiritarrekiko Harremanen Sailaren buruak erabilitako argudioak, fundazio hura sortzeko euskal kultura eta euskara sustatzeko erabilitakoak, alegia.

Basauriko EH Bilduk, asanblada irekian, onetsi ditu M24rako programa eta hautagai-zerrenda

Api 17 2015

Basauriko EH Bilduk, Ibaiganeko Kultur Etxean eginiko asanblada ireki eta parte-hartzailean, onetsi ditu datorren maiatzaren 24ko hauteskundeei begira bere programa eta hautagai-zerrenda.

Natalia Gardeazabal laguntzeko, zerrendaren hasierako postuetan, Jon Bizkarguenaga, Javi Valle, Zigor Isuskiza eta Iraide Lejarreta izango dira

Ekitaldira ehun bat pertsona hurbildu dira, eta aho batez onetsi dute hautes-programa. Programa hori, loteslea da, eta herritar zein herriko erakunde eta taldeekin elkarlanean burutu da. Ekitaldian, Josu Unanuek, Bizkaiko Diputatu Nagusirako hautagaiak, parte hartu du ere. Unanuek programaren proposamen nagusiak ta lerro estrategikoak, M24ari begira, konpartitu ditu.

EH Bilduren programak “puntuz puntu” du lelotzat, herritarren ekarpenak jaso ondoren Basauri puntuz puntu eraldatzeko asmoa duelako. Ekarpen horiek bide desberdinetatik jaso dira: batetik, elkarteekin izandako elkarrizketak eta bilerak eta bestetik, sarearen bidez. Tailer monografikoak ere burutu dira (Parte-hartzea, Gizarte- eta Lurralde-politikak, Euskara eta Politika feminista). Horretaz gain, asanbladaren egunera arte jaso ditugu ideiak, proposamenak eta iradokizunak.

Aldez aurretik koalizioa osatzen duten alderdien berrespena jaso duen hautagai-zerrenda, asanbladaren babesa ere jaso du. Natalia Gardeazabal Díez doa buruan, Urbi ikastetxeko Bigarren Hezkuntzako irakaslea. Hasierako postuetan, Jon Bizkarguenagak, Javi Vallek, Zigor Isuskizak eta Iraide Lejarretak lagunduko diote.

Basauriko EH Bilduk zerrenda paritarioa proposatzen du, gaztetasuna eta esperientzia uztartzen dituena. Baina batez ere “gogoa, konpromiso militantea, prestakuntza eta lan-gaitasuna”. Hori guztia, parte-hartzea modu eraginkorrean bultzatzeko eta “betiko” politikarekin bukatzeko asmoz. Bai moduetan, eta bai edukietan. Beti ere jarrera eraikitzaile eta baikorrez.

Asanblada irekia: Apirilak 17

Api 14 2015

Asanblada

Natalia Gardeazabal, EH Bilduren Basauriko alkatetzarako hautagaia

Mar 06 2015

Natalia Gardeazabal Díez, Bigarren Hezkuntzako Urbi ikastetxeko irakaslea, EH Bilduren Basauriko alkatetzarako hautagaia izango da maiatzaren 24ko udal hauteskundeetan.

EH Bildu Basauri taldea

Soloarte ikastetxe (lehengo Velazquez) publikoaren eta Colegio Cooperativa Basauri ikastetxeko ikasle ohia da. Azken horretan irakasle ere aritu zen. 2008tik aipatutako institutuan egiten du lan (IES Urbi BHI). 47 urte eta bi seme-alaba ditu.

Natalia eta Eneritz

Deustuko Unibertsitatean Ingeles Filologian lizentziatua eta Euskal Herriko Unibertsitatetan Historian lizentziatua, Natalia Gardeazabal euskalduna eta militante abertzalea dugu. Bere lan politikoa, nagusiki, emakumeen eskubideen defentsa aktibora eta borroka feministara zuzendu da. Literatura, musika eta bidaiatzea ditu gustuko.

Natalia Gardeazabal zerrendaburu hautatzea, koalizioa osatzen duten alderdi guztiek berretsi dute. EH Bilduk bere zerrendaburua aurkeztu du Pozokoetxeko Kultur Etxean, hautes-programa zehazteko antolatutako tailer batzuen barruan. Programa hori, koalizioarentzat loteslea izango dena, herritarren eta elkarteen parte-hartzearekin egiten ari dira.

EH Bilduren programak “puntuz puntu” leloa du, herritarren ekarpenak jaso ondoren Basauri puntuz puntu eraldatzeko asmoa duelako. Ekarpen horiek bide desberdinetatik jaso dira: batetik, elkarteekin izandako elkarrizketak eta bilerak eta bestetik, sarearen bidez.