Category: Albisteak

Fundazioen Babesletzak Sustraiak Fundazioari buruzko informazioa atzeratzen dio EH Bilduri

Ots 27 2015

Euskadiko Fundazioen Babesletzak -EAEko fundazioen aholkurako, babes teknikorako eta kontrolerako organo administratibo arduradunak– joan den urtarrilaren hasieratik ez dio EH Bilduri, hainbatetan eskatutako Sustraiak Fundazioaren gaineko informazioa errazten.

Zehazki jakin nahi dugu, alde batetik, fundazioaren idazkaria patronatoaren/gobernu organoaren kidea ote den, eta bestetik, patronatoaren kideen autokontratazioari buruzko informazioa eskatzen dugu.Helburu horiekin, organo horretara jo genuen posta elektronikoaren bidez urtarrilaren 7an eta 29an. Erantzunik jaso ez genuenez, otsailaren 13an, berriro, eurengana jo genuen, baina oraingoan Zuzenean web orrialdearen bidez.

Isiltasun susmagarri hau, ez dator bat 2014ko erdi aldera izandako informazio-trukaketa errazarekin. Garai hartan, fundazioaren kontu ekonomikoen jarraipenaren eta patronatoaren osaketari buruzko informazioa eskatu genuen, baita jaso ere.

Babesletzari eskatutako datuak eta informazioa, ezinbestekoak ditugu, gure ustez, Sustraiak Fundazioaren inguruan gertatutako irregulartasunak eta utzikeriak aztertzeko. Horretarako sortutako Gobernu Organoen Kontol Batzordean zuritu gabe geratu ziren zenbait zalantza argitu nahi ditugu. Fundazio horrek, 2009tik 1,2 milioi euro jaso ditu udaletik.

Batzorde horren lana urtarrilean bukatu zen ondorioen txosten batekin. EAJk, PPk eta PSEk, txosten horrekin gai ilun hau amaitutzat jo nahi dute.

Basauriko herriari garesti atera zaion ateraldia

EH Bildurentzat, ordea, ez dira argitu kudeaketa eskasaren eta diru publikoaren ustezko erabilera eta kontrol desegokiaren susmoak. Batzorde horretan jorratutakoaz gure ondoriak web orri honetan daude eskuragarri: http://basauri.ehbildu.eus/

Babesletzaren erantzuteko luzamenduak ere gure susmoak areagotzen ditu.

Gainera, oraintsu ezagutu dugu, 2009an Sustraiak Fundazioa sortzeak ez zuela jaso Basauriko Udalaren Kontu-hartze zerbitzu teknikoaren babesa. Eginiko txostenak adierazten zuenez “ez zegoen informaziorik ezta datu objetiborik ere, aipatutako fundazioa sortzeko orduan, eraginkortasun ekonomikoa bermatzen zuenik”.

Txosten horrek, 2009ko apirilean egina, pikutara bidaltzen ditu, garai hartako, Basauriko udaleko Hiritarrekiko Harremanen Sailaren buruak fundazio hura sortzeko euskal kultura eta euskara sustatzeko erabilitako argudioak.

Esperimentu horrek, EAJren adostasun osoa jaso zuen, erabaki hura babestu, eta 2011ko udal hauteskundeen ondoren, fundazioa mantendu zuelako. Txarto hasitakoa okerrago bukatzen da. Dudarik gabe, ateraldi hura garesti atera zitzaion Basauriko herriari.

Tailer Irekia: Sozioekonomia eta Euskara, Martxoak 6

Ots 26 2015

1TailerrakKartela

Basauriko Udala Sustraiak Fundazioa eratzera eraman zuten argudioak pikutara bidali ditu txoten batek

Ots 13 2015

2009an Sustraiak Fundazioa sortzeak ez zuen jaso Basauriko Udalaren Kontu-hartze zerbitzu teknikoaren babesa. Eginiko txostenak adierazten zuenez “ez zegoen informaziorik ezta datu objetiborik ere, aipatutako fundazioa sortzeko orduan, eraginkortasun ekonomikoa bermatzen zuenik”.

Txosten horrek, 2009ko apirilean egina, pikutara bidaltzen ditu, garai hartako, Basauriko udaleko Hiritarrekiko Harremanen Sailaren buruak fundazio hura sortzeko euskal kultura eta euskara sustatzeko erabilitako argudioak

Sustraiak Fundazioaren funtzionamenduaren eta kontu-ekonomikoen gainean sortutako zalantzak eta irregulartasunak argitzeko asmoz, Gobernu Organoen Kontrol Batzordea eratu zen. Fundazioak, 2009tik, 1,2 milioi euro jaso ditu udaletik. Batzorde horren lana urtarrilean bukatu zen ondorioen txosten batekin. EAJk, PPk eta PSEk, txosten horrekin gai ilun hau amaitutzat jo nahi dute.

EH Bildurentzat, ordea, kudeaketa eskasaren eta diru publikoaren ustezko erabilera eta kontrol desegokiaren susmoak ez dira argitu. Batzorde horretan jorratutakoaz gure ondoriak web orri honetan daude eskuragarri: http://basauri.ehbildu.eus/

Orain, gainera, badakigu, nahiz eta erabaki hura bermatzen ez zuen txosten teknikoa izan, orduko udal gobernuak esperimentu horrekin aurrera jarraitzea erabaki zuela. Hori bai, EAJren adostasun osoarekin, erabaki hura babestu, eta 2011ko udal hauteskundeen ondoren, fundazioa mantendu zuelako. Txarto hasitakoa okerrago bukatzen da. Dudarik gabe, burutazio hura garesti atera zitzaion Basauriko herriari.

Sustraiak Fundazioaren’ gaineko Gobernu Organoen Kontrol Batzordearen ondorioak

Urt 23 2015

Sustraiak Fundazioaren gaineko Udal Kontrol Batzordeak ez ditu zalantzak argitu

Urt 09 2015

Basauri, 2015eko urtarrilaren 9a. Gobernu Organoen Kontrol Batzordean izandako agerraldiak bukatu ondoren, EH Bilduk bere zalantzak mantentzen ditu Sustraiak Fundazioaren funtzionamendu eta jarduera ekonomikoaren gainean. Batzorde hori eratu zen fundazioaren kontu ekonomikoetan ustezko irregulartasunak argitzeko asmoz. Izan ere, Basauriko Udala fundazio horren patronoa da.

Kontu horien gai ilunenetarikoa, eta batzordean guztiz argitu ez dena, dieten justifikazioa da. 130.000 € inguru bideratu dira hainbat ekintza burutzeko beharrezko diren dietak eta fundazioaren patronatoko kideen dietak ordaintzeko.

Horretaz gain, gaur bukatu diren agerraldi horiek, agerian utzi dute fundazioaren funtzionamenduaren eta jarduera ekonomikoaren gaineko kontrol politiko eza. Bai egungo gobernu taldearena (EAJ), eta baita aurreko legegintzaldiarena ere (PSE-PP).

Batzordetik pasatu diren pertsonen adierazpenak entzun ondoren, zalantzak ditugu oraindik.

Azpimarratu nahi dugu, kanpoko enpresa batek egin dituen berrikuste ekonomikoak EH Bilduk eskatu zituela 2012 urteko udal aurrekontuen negoziazioan. Sustraiak Fundazioaren eta Udalaren artean sinatutako hitzarmenak ezartzen zuen urtero fundazioaren kontu ekonomikoen gainean auditoretza bat egin behar zela. Eginbehar hori ez da inondik inora bete.

2013ko uztailean, 2010. eta 2011. urteetako berrikuste ekonomikoak eman zizkiguten. Horietan, irregulartasun batzuk azaltzen ziren. Horrexegatik hasi ginen kontu horiek eta fundazioen gaineko legedia aztertzen eta ikertzen.

Hori gutxi ez balitz, 2014. urteko ekaina arte, fundazioak ez dizkio aurkeztu Eusko Jaurlaritzako Babesletzari urtero aurkeztu beharko diren kontu ekonomikoak. Irregulartasun nabaria. Gainera, Sustraiak Fundazioko Lehendakariak, otsailean izandako Kultura Batzorde Informatiboan gezurrra esan zuen, kontuak Babesletzari aurkeztu zizkiotela adierazi zuenean.

Aurkeztutako memoriak eta enpresak eginiko berrikuste ekonomikoak landu ondoren, eta agerraldiak entzun eta gero, besteak beste, honako zalantza hauek sortzen zaizkigu:

  • Hitzarmena indarrean egon den urteetan (2009-2013) 130.000€ ordaindu dira dietetan. Ekintzak desberdinak burutzeko beharrezko diren dietak eta fundazioaren patronatoko kideen dietak ordaintzeko. Ez dakigu nola zehazten zen dieten zenbatekoa, horien kontzeptua eta euskarri fiskala. Horren adibidea, 2013. urtean, udalean aurkeztutako memoriaren arabera, bi patrono kidek 6000€ eta 14.000€ jaso zituzten dietetan, hurrenez hurren.
  • Azterketa ekonomikoetan azaltzen da TXG Consulting enpresak 380.000€ inguru jaso dituela “Gerentzia eta Administrazio” kontzeptupean. Diru kopuru hain handia izanda, jakin nahi dugu zehazki eta xehatuta zertara bideratu den diru hori.
  • Bestalde, zalantza legalak ere sortzen zaizkigu fundazioak patronatoko kideak kontratatu dituenean. Indarrean dagoen legediaren arabera, patronato kideek euren funtzioak doan garatu behar dituzte:
    • 100/2007 DEKRETUA, ekainaren 19koa, Euskal Autonomia Erkidegoko Fundazioen Babeslaritzaren Erregelamendua
    • Art. 12.1 “Fundazioarekin kontratatu nahi duten gobernuorganokideek, beren izenean edo bitarteko pertsona fisiko edo juridiko baten bidez, autokontrataziorako baimenaren eskabidea eta egin beharreko kontratazioan interes-gatazkarik ez dagoela behar bezala frogatzen duten agiriak aurkeztu beharko dizkiote Babeslaritzari.”
  • Gure iritzian, horixe da ustez gerta daitekeena patronatoko idazkariarekin. Horregatik, horren gaineko txosten juridiko bat eskatuko dugu.
  • Azkenik, oso agerian geratu da, legegintzaldi honetan, fundazioaren funtzionamenduaren gaineko kontrol politiko eza.